2020年已到尾聲, 全港同全球集體進行左無數社會, 科技, 人文, ... 的實驗, 大部份人既工作同收入都有很大影響, 好多行業同工種消失左, 亦有好多新興行業冒起.
過去10年大家時常聽既共享office, 創新模式....... 咩一大班唔同行業既, 租個共享office, 就產生協同效應, 搵生意亦互相衝擊, 係尖沙咀同東九龍工廈入面, 好可能執左好多...... 連帶租務亦大幅下滑. 連本地上市REITS 係3月份趺完都升唔返. 咁而家好多REITS 都有大陸物業, 係點樣景況呢? 係咪吉晒等支爆? 可以睇以下內容了解.
我知睇財經類blog 既好多都講ATMX, 又或者美股, 又富途又IB...... 但, 始終部份錢會投入去REITS, 分散唔同風險, 圖片係2020年12月拍既, 我去左深圳龍華區既地鐵旗下商場, 同埋去了廣州行左個圈. 去左廣州沙面島外邊既領展廣州商場, 同埋行左越秀主打 -- 白馬服裝大廈. 但, 頭盤係港鐵先.
圖中商場叫頌薈, 位處深圳地鐵4號龍華線龍勝站上蓋, 樓盤亦為地鐵做發展商, 門口個logo 打正mtr mall 旗號.
商場於2019年9月開幕. 圖中所見, 成個商場係幾靚, 無人, 亦無鋪, 出租率眼見約一半, 二, 三樓超過一半係吉既. 出租率非常差, 龍華本身好多新樓, 亦唔係鬼城區, 唔應該係咁囉.
Google 搵到當時報導: https://today.line.me/hk/v2/article/K1Nzpn
第二間為領展位於廣州沙面既商場. 领展购物广场 ⋅ 广州(原称西城都荟广场). 呢度只係本身去沙面咁橋見到, 原本係另一個名, 領展入主後索性叫領展商場.
內部都係靚既, 有廸卡農作為大租戶 (2020年12月油塘大本營定將軍澳商場都開左間廸卡農?), 人流係幾好, 衣食住行樣樣都有. 因為係私樓, 所以定位高過香港一般屋邨商場.
網址:
https://linkplazagz.linkreitchina.com/sc/
第三度為白馬大廈, 為405 越秀REITS內除左IFC 外, 第二收入高物業.
做生意講location, location, location, 白馬大廈帶動左廣州站一帶服裝批發零售, 附近亦有幾個時裝場. 簡單講就好似長沙灣香工咁囉.
優勢係現場見, 總共8 層大約只有2, 3個吉鋪, 從業主角度出租率很理想
但行一圈又發現到, 附近幾個場更新, 更大, 更光鮮, 營業時間更長. (白馬鋪收下午6點, 個場6點半落閘關門) 啲客咪去隔離買貨, 反正同質化很厲害. 另一方面, 現今潮流係玩直播, 網上賣衫, 收得早亦影響到賣衫收入. 其實收夜D係咪咁難呢, 白馬提供左淘寶拍照埸地, 當日見有人映相, 唔肯定係咪租戶先可以入去.
祝大家新一年身體健康. 都無咩求啦.
沒有留言:
張貼留言