2018年3月29日 星期四

2018年3 月份期權結算



今個月用了金沙作為對象, 策略上改為使用遠期LC 來代替即月LC, 貪佢時間值減得慢d, 同埋買左一份保險LP, 結果3 月份係蝕錢既
結算計數金沙$41.8, LP係有少少錢剩..... 唔使total loss.


經實踐, LC 時間值係每月跌小d, 即月為$0.8, 9個月期就減$0.5. 係呢個幾毫子上落的遊戲, 應該係值得去買遠期.

原本SC44 蚊等佢微微跌或者打和, 點知變成大跌, 月中平倉後再開返SC43 都可以到月尾食晒時間值. 但頂唔返LC 蝕果part.
同埋人地揸實貨就買 “protective put”, 若果用ITM LC再買 put, 除非係爆機式跌, 否則變左買兩份重疊左既保險, 7 . 而家只係剛好到價都要蝕.

期權係不斷學習同實踐的玩意, youtube 好多台灣佬拍片開班授徒, 不過有D都比較流. 叫人開反蝴蝶式 (好似係咁叫), 圖型係一條大於0 的橫線, 中間配一個輸爆廠既 deep V. 話只要唔踩中V 型部份, 你係賺梗既. ……. 完全無提到你大於 0 同埋deep V 的比例, 又唔講deep V 有幾闊, 風險管理等話題.

另一個老師係條片度講跟佢學就學度羸輸的經驗, 從不斷蝕錢中學習, 擺明係交學費”, 仲要跟埋老師一齊交, 真係前局長咁唔得掂.
我只認同係不斷儲經驗, 玩期權耐左就係學盡量減少主觀意願而又羸到錢, 否則要睇住同認為升升跌跌, 直接賭錢買下百家樂好喇, 唔使諗.

2018年3月1日 星期四

2018年3 月份期權開倉



經過觀察, 由之前的華潤置地轉到金沙, 而運作的策略有輕微改動下.





低位的LC 由即月改為9 月到期, 比多左時間值錢, 預計6 月份轉倉, 維持3 – 6 個月的LC, 時間值收縮會比即月慢啲. 呢份LC 係代替左持正股做covered call. 可以約開多一倍合約.
ATM SC protective put 都係即月, protective put 係減少下行風險.

除此之外, 諗緊SP 在較低位置, $40來開倉, 但張數少收得果$0.3 (0.3 x 400= $120)  
來承擔接貨風險又是否值得, 或是已在 LP42 的範圍內, 仲賺返d幫補下是可討論的.
而金沙在$40 接貨後的股息率約為5%.