話說3分鐘熱度佬終於的起心肝, 去考左PMP 考試, 仲幸運地 1 take pass.
簡單介紹先:
有唔少人問 PMP 係咪電腦cert 來架? 答案並唔係, PMI (即係發PMP cert 間機構) 指出來工作, 一般係做營運, 或者係做project, 又或者2 樣同時都有. 而香港地 "跟project" 又係唔少人既工作, 所以都係跨行業. 而PMP 就係証明你識得管理project 既証明.
個道理同英文走去考IELTS, 財經去考CFA 咁, 呢一範個認受性好D 既cert 就係PMP 喇.
歷程:
- 小弟係工程科出身, project management 呢科於千禧年代已經讀過. 教科書林林種種. D用字有唔少都真係後生仔果陣已經聽過.
- 出來做事後, 再進修時又有project management 呢一科, 教科書已經係PMI 既課程資料. 而工作上又有少量同事去考左PMP 試. 不過自己都係睇睇下.
- 疫情後時間, 人生同工作進入轉變期, 空閒時間相當多. 正式將PMP 列入To Do List 內, 買左幾本簡體字exercise 同上下Coursera 來update 返個培訓要求. 都唔算好有進度.
- 2026年, 適逢PMP 大約每5年更新一次Syllabus, 新內容於26年7月開始, 拿拿聲正式入左申請, 交左考試費, 同埋溫左一個月書. 於5月底50/50 既心情去考, 結果合格了.
- 完成了一個心願/ 心結. 等埋最近考既另一項細D 既cert, update 一下CV, 再搵下一段人生路.
如果blog 友睇到呢度, 仍有興趣想知而家最新考法, 同點樣用youtube 同埋AI 作為溫習既工具, 請留言.
