2017年9月期權結算

Stock no.	Name	Strike	Action	Open Price	Close price	結算
1109	華潤置地	22	SP	0.17	0.01	0.16
1109	華潤置地	22	LC	-2.01	3.9	1.89
1109	華潤置地	24	SC	0.66	-2.15	-1.49
1109	華潤置地	26	SC	0.15	0	0.15

9 月份內房股爆升, 终於都升到大藍籌華潤置地. 由原本24蚊起跳, 一日升左$2 仲升穿左一年高位, 最高達 27.45. 原本張$26 SC 即時變左價內. 連同$24 SC按金齊齊升, 搞到要補margin….. 為左降低按金水平, 將$22 SP 先行平倉, 蝕一舊水手續費.
(執筆日為9月26日, 價格為 $24, 預計唔會升返上$26, 26SC 由它蒸發掉)

不過反正收左premium 0.16, 比返d 當賺少左. 

9 月22號收到call, 話$24 SC 被行使左, 要市場上交股票. 一直都係月底結算再扣數, 今次第1 次未到期被行使. 咩都有第1 次, 上返X立個網睇返處理, 同on99 咁打返比x立個經紀,.  唔知係我呢d 散戶無肉食定係個經紀唔熟定點, 網上睇又話借貨沽貨, 之後趁低買返….. 個經紀淨係識話要即日中午前要買返貨, 唔可以話補差價. 好彩我咁啱係有足夠現金來買返, 成交價$26.15. 之後再平返張$22 LC, 果朝上到最高後已經跌緊落來. 結果$3.9平倉, 有0.25差價. 

呢個做法係按正教科書正統: 當持有bull call spread 價升到max 而被call, 要在市場上買回股票給行使者, 同時將低位的long call 平倉, 而將會賺取到價差及時間值. …… 1. 書無寫既現實係一來一回買賣貨, 夾埋接近成千蚊手續費.
2. 市場上買貨比行使者, 前提係你要有備用現金. 幸運地埋單都仲係正數. 

3分熱度仔唔知對家又係咪散戶, 行使期權係要蝕時間值, 書本教落無咩SO. 睇返call 走之後兩日, 華潤已經跌返落$24, 升幅已全部消失晒……. 若果對家係最高位時平倉而唔係行使, 咁就正喇, 不過我始終都要埋怨對家令我蝕成千蚊比經紀賺. 

諗返若借貨沽空而家仲平左$2 買貨添, 真和味, 不過呢樣係馬後炮, 有早知無乞兒. 今個月帶出一話題, 做得spread 定左max gain 同 max loss, 假設唔會有準備可接貨果舊大錢. 

被行使雖然係賣左股票, 會T+2 先收錢, 但就要即日買貨, 若果係做D 大股價一手既, 無錢比點算呢, 斬倉? 點斬法? 定借佢錢T+2 比返x 立計 2 日息? 佢又點計個貸款額? 呢個問題值得討論下, 謝謝指教.

都係果句, 只有騙子是真的

現今社會, 大學學位貶值, 人所階知, 特別係咩都多過人既偉大祖國, 每年有幾百萬個畢業生, 唔通個個一畢業就兩皮人仔人工咩?

講D 背景, 小弟係果D 係深圳河以北返工既打工仔. 呢單野其實係幾段小故事,
不過都係今年發生同有D 連貫性.

1. 話說早排 4月份, 又到請人季節, 上面交落今年D freshgrad 資料. 有個男仔面試果陣尚算正常, 自稱為應屆畢業而搶先出來搵工做, 畢業証書要7 月份先有...... OK..... 見 freshgrad 小薯一件, 人事部又話查左無問題, 不虞有詐就照請住先.

相安無事到 7 月份, 我問返佢應該出左畢業証, 要補返比公司keep record..... 個小薯仔回左鄉一個星期搞左一輪, 結果係提供左一份 "學業証明", 以証明該小薯乃該學校學生云云......
該小薯已係 8 月份離職了. 原來佢係畢唔到業 (成積差), 又博入左職先之後無人問.... 其實一間正規公司, 若無關係又邊會有人關照呢, 少年太年輕了.

2. 話說國內早係十數年前, 英文已有分為 4 , 6 級, 一般情況下需有4 級英文先可以本科畢業, 但現今大國掘起, 個個玻璃心都要人地同佢講普通話. 不屑學習呢D 美帝語言. ......

第 2 個見既freshgrad, 又係D 騎尼怪.千錯萬錯都係學校同社會既錯, 佢讀左 4 年大學但又係畢唔到業, 原因係英文唔夠好,考唔到 4 級, 導致無畢業証書.
結果呢條契弟係拎住張學生証來見工, 仲話有需要可以叫學校出封証明書云云, 証明係該校學生. ........ 唉, 好心比D 誠意啦, 有心就出定封信去見工, 或者博一鋪搵到份工先, 仲有面話自己大學本科畢業既!

 題外話, 香港都好似有D 大學要 IELTS 6.5 分以上先比畢業証書.

 3. 睇完開首兩段都唔知係咪騙局, 睇返正式D 先.
同D 部門內既大陸仔同事吹水, 雖然佢地係紅褲仔做起,但都有成大專學歷 (即三年制), 等於香港High Dip/ 副學士同正式degree 學士分別.
問佢地點解唔去整返張大學畢業証返來, 升職加薪話咁易, 萬能既淘寶咩都有得賣啦......
 點知佢地話怕比人呃, 要比好多個人資料, 又要身份証明, 可以比人拎去借錢等不法行為.
最驚網上學歷可能比左錢都check 唔到, 唔x 抵咁話, 而又無得追究, 唔通告佢話詐騙購買虛假學歷咩.......

睇下萬能的淘寶點介紹.

唔係呃你, 醫科都有得網購畢業, 你夠膽來我夠膽醫..



4. 經此一役, 同HR 講到明要係本科 degree畢業先好叫來見. 終於來了個算做背景正常的了.
原來, 除左 ' 畢業証書' 之外, 另外有一張叫做 '學士學位証書' 既東西, 真正長知識了.
係呢度加左 "馬賽克" 後, 放上來同大家一齊學習一下.