2020年2 月更新

各位網友, 祝各位身體健康, 工作順利 (或唔使做都順利)

有一大排無update blog, 三分鐘熱度都維持左年幾, 都算唔錯. 由上年底到而家2月底無論社會上, 及香港人健康上都發生左好多事.

1.      期權

回顧2019年用Diagonal spread (即係用ITM call 來代替正股做cover call/ cover put), 預期回報係有年率60%, 就算打個折都應該有40%....... 點知計返, 賺錢月份為一半, 回報約15%.

睇返原因:

A.      Call spread 同put spread 本身錯方向. 我本身就係燈, 所謂跟趨勢來買一邊都只有50%對. 某程度所講可以話好合理. 所以有賺有蝕都算合理. 好似擲飛標測試一樣, 一係中, 一係唔中.

B.      滑價問題. ITM call 會遇到莊家唔開價的問題. 尤其是買中邊不特止, 仲要大升/ 大跌果類. 一路唔開價, 只可以自己用港交所網頁工具來計個理論價, 但係要被食水好多先至平到倉, 有被搵笨感覺.

2.      IB

舊年底開左IB 戶口, 又入左錢去試下.

A.      IB 好似無要求莊家報價的制, 我用開輝立就大部分情況禁一下就有價. (上面滑價例外) 搞到呢, 同時又開返輝立APP, 果頭又要開IB. 睇來睇去麻9 煩.

B.      IB個界面真係好強大, 真係要學習, 又手機APP, 又網頁版, 又TWS, 而D 功能又唔係overlap 果下抵死.

C.      在此多謝另一位blogger, 稱diagonal spread 在美股可以用周期權的方式來更有效咁食時間值. 事不而遲試左幾輪, 仲要試最熱既TSLA, 由6百幾升上去再跌返落來, 真係好大上落. 同埋美股期權係100倍, 所產生槓桿太大喇. 一日賺一兩千, 之後一早輸返一皮野……

     對我等無咩賭運既人來講未必適合

而家睇下D 相對平穩D 既, 例如 P&G, 可樂等股神愛股.再繼續用周期權來作戰。

3.      Youtube

最近武肺疫情嚴峻, 好多人都home office, 多左時間睇youtube. 除左燒山之外, 其他講IB 果幾位都睇唔少. 都要學下點樣轉錢同IB 拎返美金出來.

恆生匯入美元係要收HKD65蚊, 而prestige grade 就免費. 另外IB 網頁版會要求提供返代理銀行資料 (呢度是否收費未知, 試左講返), 問左恆生, 可見圖中位置, 有條link 係份PDF 文件, 職員話美金咁多間, 都係要揀返CITIBANK NA. 先係. 如圖中資料.

 

最後祝各位身體健康, 人生好多事唔係必然. 好似武漢人咁(我有大陸人同事), 雖然有機會衛生水平係比香港低, 但無啦啦咁就可能死左, 佢地無罪個噃, 真係好令人婉惜.