2019年5月7日 星期二

從突發爆水喉看保險一事


本身有買開個人保險, 今次想講一講早排發生的一件事.
話說一個周末上午, 廚房地板突然濕左, 仲有水慢慢流出來, 老婆大人一拉開廚櫃, 發現水彭彭聲從牆身的水制位噴出, 大叫之下禁都禁唔住. 熱度仔即刻走出屋外關水制. 關完就即刻返入屋善後. 又地拖, 又毛巾, 載到水既都用上.
搞左一朝, 果分零鐘時間噴左3大桶水. 抹足一個上午…. 之後就要即日搵到水喉匠上門維修, 更換T 字型水閘制. 水喉匠拎出來個舊閘制居然可以徒手鍊斷, 唔知間屋邊一手或者係原裝一手樓果陣裝喇. 金屬疲勞斷開真係不可預計.

不幸中之大幸
睇返, 無浸壞傢俬同大電器, 地下拖板亦無事, 只係一個養魚水族燈同小部份物品浸壞左, 損失幾百蚊內.
若果件事發生係平日返晒工之時, 水浸全屋傢俬電器, 浸到跳大制或者火觸都似. 而若無火觸, 水一路噴出來, 全屋浸晒水之後, 經門口水浸到屋外面, 要管理處關水制亦很大劑.

經驗總結:
1.      家居保險有佢用途, 即上網睇報價, 一年4, 5百蚊左右, 就咁計整水喉都係返度. 當然要仔細留意條款啦, 有一間係唔包水浸既.
2.      同老婆大人經歷了難忘的一天, 感情增進一大步, 亦體會男人同女人處事方式係唔同既.

沒有留言:

張貼留言