最近幾個月個blog 都無update, 其實都唔太想寫, 呢三分鐘熱度維持了一年多算係好好, 有得賺dd 時就寫出來懶勁咁, 一輸就好自然唔想寫….. 等於街邊阿伯講賭馬淨講贏一樣, 但始終係要面對.
綜觀2018年, 全年身家只增長左幾千蚊, 即係一個月儲得幾舊水……. 如果唔係靠今年有不同電子錢包結合信用卡有回贈 (我認我係碌分黨), 回報應該係負數. 睇返主要原因, 係d “101基金” 同埋股票由高位回落左接近20%.
講返股票同期權, 有2 隻:
1928 金沙中國 – 早前於$40 蚊樓上接左貨, 之後一路SC 兩三毫子咁收, SC 近又驚比佢call 走. 最低跌到$31, 而家$35左右.
823 領展 – 之前$72.5 被call 走就一路升, 開SC75 都接唔返, 亦唔想變高追, 而家已$78了.
而呢幾年買落股票 (主要係REITS) 又慢慢陰陰地咁跌, 例如405 同2778 果d.
係2018年講左唔少目標, 都無幾多樣落實到, 不外乎都係懶散之過, 人生無咩動力, 工作上好做運動好都無咩變化, 又未諗到有咩去創業, 生活上又無咩大難關而看到有商機. 一個男人無咩錢咁就慢慢老去, 呢d 就係中年危機?
沒有留言:
張貼留言