有時扮下大陸仔上雪球

以前知道有個大陸手機APP 叫"雪球", download 過睇過好似好亂咁, 同埋得d 大陸A,B 股資料.

前一排有個同事講起, 原來係包括左港股既資料.
即刻download 落來睇返先, 先發現大陸仔係好多人才, 寫既內容亦算係多元化, (唔一定獨到) 可能我淨係睇港股無咩睇內地股關係.

介紹返而家我有用既內容 :
1. 有模擬倉位回報.  雖然某d 銀行網上服務亦有包括, 但我無使用, 而銀行又會轉倉. 所以用個app 來睇係方便d 同自Hi 都快D.
2. 股票報價, 當然係有delay 啦. 你開aastock 實好過佢.
3. 討論. 佢唔係用大討論區, 而係用每個股票底下參與討論, 再系統上面@ 果隻股票, 有D 似微博.
4. 最"含金量" 既係討論入面係可以打賞既. 即係人地講得好可以用微信比錢佢, 由 $1 到 $10 或更多不等.
5. 自己對某股亦可以參與討論, 問問題, 當然若問d 深入既就可能要付出 $$ 先至有人回得正路D. 例如見過有人將份年報再分析, 整埋圖, 又曲線, 又分析, 係有人打賞左......


相信blog 友中亦都有唔少香港人睇. 亦講下有咩缺點 :
1. 中國的會爆炸....... ok, 請回啦.
2. 中國的會偷資料, well..... 裝個app 時佢要求既權限真係好多, 由要打電話, sms, access photo, access phone book, access gps, access camera 等等....... 而家有好多手機可以自己set 權限, 自己衡量返.
3. 唔好透露個人資料. 都係果句, 日日都有快遞騙案, 又唔知點解真係又知名同電話.
4. 唔好透露密碼, 個app 又有D 好X 醒既function 賣埋股票投資, 又話一個app 睇埋銀行戶口, 氹人比銀行login 佢, 又真係有人信咁 7. 

Google play 係無得download, 有興趣自行上雪球網站download apk 自己裝.

https://www.xueqiu.com/