上一篇出文日期為10月中, 到而家11月底又個幾月, 政府成日話同北面開會爭取爭取.
爭取到必須使用傷心出行, 全面將傷心出行功能大幅強化, 同埋正式放風出絕招.
- 掃傷心出行係必需, 係minimum requirement, 只係作為開展討論的條件.
- Sufficient requirement 係 “掃夠” 14日傷心出行, APP 內要有最近14日既QR CODE 記錄, 中間唔比斷, 你唔可以唔落街. 若果你過去14日有D 日子無落街, 北面唔覺得你有幾大需求要過關.
呢種玩法一般港人較難理解, 日常淨係居港”夠7 年” 就係永久居民. 其他一般野有就有, 無就無啦, 例如強積金有供就有供, 無就無啦. 而大陸就好興”比夠X 年社保”, “住夠X年XX”, “手機開台夠X 年” 之類先夠資格買樓, 開銀行戶口等.
可能原因之一係可能琴日無, 今日即刻有相關交易記錄等等情況太常見. 若果要有心去做, 都要以年計咁去安排, 咁都中就抵比人呃啦, 人地呃你都好高成本架……….
你若果肯每日去掃一掃傷心出行, 咁就睇得出你好有需求去過關喇.
疫情搞左咁耐, 而家香港已無本地感染個案, 成日話通關就可以點點點, 經濟會好返又會點. 作為一個基層兩邊打工仔, 其實”通關”係一個偽命題. 即使之後你亦唔一定可以去到福田口岸果D 短線遊.
點解咁講? 可以睇下你可以些牙幾多私隱, D 9upper 係網上既片唔一定盡信, 以下講既, 你當吹大左唔會發生亦無妨, 只係溫馨提示一下咁解.
香港人要用傷心出行唔比填紙仔都牙痛咁聲, 大陸”新常態”你真係接受到?
入境
1. 將來只係講緊話免隔離, 可以自由過境. 但係無講過有無配額, 要唔要申請? 要唔要內地有住址先比入境? (而家隔離係要你有最終目的地, 要係一個住宅, 係唔比你隔離完就咁走去旅行既酒店, 除非你係有特權人士啦)
2. 你手機有無微信?
題外話, 微信入面有樣野叫小程序, 係唔使額外download app 情況下, 可以好似個獨立app 功能,暫時android 唔見有呢種一站式既app, 亦可以話最霸道, 個用家唔離開微信就可以做出衣食住行出入境.
3. 你手機有無可以穩定接收大陸DATA 同SMS?
4. 你手機有無實名登記左? 要比人映低回鄉卡果種. (太空卡係大陸係唔合法既)
5. 你個微信有無實名登記?
6. 你入境時要係微信小程序入面報關.
7. 你同唔同意經微信自拍被人面辨識來做login? 你同長輩一齊去旅行時, 佢地猛話咁L 煩, 你可以點.
8. 求其一個唔知咩職員都可以拎你張回鄉卡, 用佢自己個手機來映低. 你同唔同意? 唔好再講果D 咩無事無幹怕咩呀, 呢D藍C廢老說話啦.
衣, 食, 購物
1. 你微信有無人仔可以支付? 之前有D 商戶可以收香港WECHAT QR CODE, 由微信代兌換來比錢. 但係呢個安排只適合大型連鎖店之類. 如果你去樓下買枝水買包煙, Sorry, 只收人仔微信.
2. 你微信要有人仔, 代表你要有個大陸戶口, 要綁定左先可以比錢.
行
1. 而家搭車可以用返深圳通卡. 即係可以拍卡同充值, 但唔知張卡係咪要實名登記左先可以用.
2. 一般搭地鐵係用微信. 同上面一樣, 你要有個link up 左人仔戶口.
3. 深圳搭巴士係有用微信既功能, 前提係你於2019年前已登記. 而家只容許大陸身份証人士綁定.
4. 最新大部份出行係滴滴, 即係UBER. 但前提又係實名登記, 你搭咩車去過邊都比人知, 你是否同意?
5. 深圳搭地鐵係要過X 光, 人多咩, 早D 去排隊啦. 照到有咩又係比較隨心既, 除左百貨公司減價買左把千幾銀既媽人牌菜刀會沒收, 帶枝靚酒去同人食飯亦唔可以. D保安仔傻西瓜咁對你既物品問長問短.
6. 當然上面D物品係"大是大非" 啦, 例如用壓縮氣既物品如, 定型水, 化妝品, 同埋刀片鬚刨, 咪睇下當時個保安係咪仔, 有無使用既需要囉.
最後, 當你所有野都同意, 咁無野喇, 我出返去做野先.
